جگجیت سنگھ کو برین ہیمرج

جگجیت سنگھ کو سنہ انیس سو اٹھانوے میں دل کا دورہ پڑا تھا۔

بھارت کے مشہور غزل گو جگجیت سنگھ کی دماغ کی شریان پھٹنے کے بعد ممبئی کے ایک ہسپتال میں ان کا آپریشن کیا گیا ہے۔

ممبئی کے علاقے باندرہ میں واقع ليلاوتی ہسپتال کے ذرائع نے بتایا کہ جمعہ کی صبح ہسپتال لائے جانے کے بعد ستّر سالہ جگجیت سنگھ کی سرجری کی گئی تاہم ان کی حالت نازک بتائی جا رہی ہے۔
دوسری جانب خبر رساں ادارے پی ٹی آئی نے ان کے ایک قربت دار کا حوالہ دیتے ہوئے کہا ہے کہ ان کی حالت خطرے سے باہر ہے۔
انہیں جمعہ کی شام پاکستان کے مشہور غزل گو غلام علی کے ساتھ ایک پروگرام میں شامل ہونا تھا۔
اس سے پہلے جگجیت سنگھ کو سنہ انیس سو اٹھانوے میں دل کا دورہ پڑا تھا اور جسم میں خون کی گردش میں مسائل کی وجہ سے انہیں اکتوبر سنہ دو ہزار سات میں ہسپتال میں داخل کرایا گیا تھا۔
ڈاکٹروں کا خیال ہے کہ شاید ان ہی وجوہات کی بناء پر انہیں برین ہیمرج ہوا ہوگا۔
جگجیت سنگھ کے خاندان کے ایک قریبی دوست نے ليلاوتي ہسپتال میں نامہ نگاروں کو بتایا کہ ان کے دماغ کے ایک حصہ میں خون جم گیا تھا جسے نکالنے کے لئے آپریشن کیا گیا۔
ان کے مطابق، انہیں اگلے اڑتالیس گھنٹے تک انتہائی نگہداشت کے وارڈ میں رکھا جائے گا۔

فرانس: نقاب کے قانون سے انکاری خواتین

بتیس سالہ فرانسیسی شہری ہندِ احمس اور ان کی سہیلی نجات نعیت علی فرانس کی پہلی دو خواتین ہیں جنھیں سرعام نقاب پہننے پر جرمانہ کیا گیا ہے۔

طلاق شدہ اور ایک بچے کی ماں ہندِ احمس کو اگرچہ عوامی مقام پر نقاب پہننے پر جرمانے کی سزا ملی ہے لیکن انھوں نے اس کو خوش آمدید کہا ہے۔
فرانس میں نقاب پوشی پر پابندی کے قانون کے خلاف چھ ماہ تک مہم چلانے کے بعد اب ہند احمس کو ایک ایسا پلیٹ فام ملا ہے جس کے تحت وہ اس پابندی کو چینلج کر سکتی ہیں۔
ہندِ احمس جمعہ کو جرمانے کی سزا کے خلاف اپنے حامیوں سمیت عدالتِ عظمیٰ کے سامنے پیش ہونگی۔
انھوں نے کہا کہ فرانس میں قانونی پروسیس کی تکیمل میں کئی ماہ اور ممکنہ طور پر کئی سال لگ سکتے ہیں لیکن اس راستہ پر چلتے ہوئے وہ پابندی کے خلاف یورپ کی انسانی حقوق کی عدالت سے رجوع کر سکتی ہیں۔
آج کی قطعی رائے نہ صرف فرانس کی حکومت بلکہ یورپی کے دیگر ممالک بیلجئیم، اٹلی، آسٹریا، نیدرلینڈ اور سوئٹزرلینڈ کے لیے بھی مسائل کا سبب بنے گی، جہاں پر اسی قسم کی پابندی ممعتارف کرائی گئی ہے یا ایسا کرنے کی منصوبہ بندی کی جا رہی ہے

پیرس :مرحوم ثنا کی یاد میں نکالی گئی ریلی ،تصویری جھلکیاں (حسن وارثی ) 

پیرس :مرحوم ثنا محبوب کی یاد میں اتوار ٢ بجے ریلی نکالی جاتے گی،مئیر فرانسوا پپونی بھی شرکت کریں گے.(میرزا خالد بشیر )

   گزشتہ روز ٹریفک حادثہ میں جاں بحق ہونے والی آٹھ  سالہ پاکستانی بچی ثنا محبوب کی یاد میں اتوار دن ٢ بجے ایک ریلی نکالی جاتے گی جس میں پاکستانی اور  دیگر کمیونٹی کے افراد شرکت کریں گے،مئیر فرانسوا پپونی کی شرکت بھی متوقع ہے.ریلی میری دی سارسل فلاناد سے شروع ہو کر جاتے حادثہ تک جاتے گی تمام پاکستانی کمیونٹی سے شرکت کی اپیل کی جاتی ہے . 

پیرس .ٹریفک حادثہ میں جاں بحق ہونے  والی پاکستانی آٹھ سالہ بچی  ثنا محبوب کی نماز جنازہ ادا کر دی گئی ،میت پاکستان روانہ  (حسن وارثی )

چند روز قبل ایک ٹریفک حادثہ میں جاں بحق ہونے والی پاکستانی بچی ثنا محبوب کی نماز جنازہ آج ٣ بجے پیرس میں ادا ہو گئی نمازے جنازہ کے بعد میت پاکستان روانہ کر دی گئی جہاں بچی کے آبائی گاؤں ماندر میں کل دن تین بجے بچی کی نماز جنازہ پھر ادا کی جاتے گی.بچی کے والد پہلے ہی کسی کام کی سلسلے میں   پاکستان میں گئے ہوے تھے.انکی غیر موجودگی میں راجہ اشفاق نتھہ چھتر، ،چوہدری نواز ،میری دی سارسل کے مئیر مسٹر فرانسوا پپونی ،نائب یوری کے تعاون سے میت کی آخری رسومات اور قانونی تقاضے بہت جلد پورے کئے گئے .ان حضرات کی کاوش کو کمیونٹی کے لوگوں جن میں لیاقت اسماعیلہ ،الیاس  اسماعیلہ ،راجہ حمید نتھہ چھتر ،ماسٹر یعقوب،میرزا غالب ،شہزاد وارثی ،چوہدری سعید،راجہ ظھیر،راجہ اشفاق ،ابرار کیانی ،چوہدری شبیر بھدر ،قاضی عبدالحمید،اور دیگر نے سراہا ہے.